CHUM MIT ÜS DÜR DS ZWÄRGEJAHR


Im Waudjahr abem Summer 2021 begleite üs vier witzegi, quirlegi, ufgweckti Zwärge, wo mängisch o chli Schabernack hinger de Ohre hei. Si heisse Zipf, Zapf, Zepf u Zipfelwitz. Mit ihne tüe mir singe,  Värsli ufsäge u Gschichte lose, gö ga der Waud entdecke, beobachte d Vögeli u erfröie üs mit ihne a Schnägge, Würmer u Chäfer.

D Zwärge si gschaffegi chliini Lüt. Mit ihne wirds üs ganz sicher nie längwilig.

 

Aber das si ja nume drei Zwärge!

Wo isch äch o der Zipfelwitz?? Chömit, mir müessene ga sueche.

 

 

Ah, da ischer ja!

S isch gäng chli ds gliiche mit däm cheibe Zipfelwitz. Er het d Nase gäng ds vorderst u zoberst. Ständig muess me ne sueche.

 

 

Si si gäng derbi, üsi Zwärge:

obs rägnet oder schneit, ob d Sunne lacht oder der Wind wäiht, im Früelig, Summer u Herbscht u vor auem wes Schnee het o im Winter.

 

Auso liebi Ching, chömet cho luege, im Hasumüüsli- u Wurzuchingwaud si d Zwärge los!